ਪੰਜਾਬ ਦੀ ਅੰਤਿਮ ਵੋਟਰ ਸੂਚੀ (SIR) ਜਾਰੀ: ਚੋਣ ਕਮਿਸ਼ਨ ਦੀ ਵੈੱਬਸਾਈਟ ‘ਤੇ ਉਪਲਬਧ, ਇੰਝ ਵੇਖੋ ਆਪਣਾ ਨਾਮ

SIR ਦੀ ਪੂਰੀ ਪ੍ਰਕਿਰਿਆ ਅਤੇ ਅੰਕੜੇਪੰਜਾਬ ਵਿਚ ਚੋਣ ਕਮਿਸ਼ਨ ਨੇ 25 ਜੂਨ ਤੋਂ 3 ਅਗਸਤ 2026 ਤੱਕ ਘਰ-ਘਰ ਜਾ ਕੇ ਵੋਟਰਾਂ ਦੀ ਪੜਤਾਲ ਕੀਤੀ। ਇਸ ਦੌਰਾਨ 1.93 ਕਰੋੜ ਤੋਂ ਵੱਧ (90.37%) ਵੋਟਰਾਂ ਨੇ ਆਪਣੇ ਫਾਰਮ ਭਰੇ, ਜਦੋਂ ਕਿ ਕਰੀਬ 20.66 ਲੱਖ (9.63%) ਵੋਟਰ ਅਜਿਹੇ ਸਨ ਜਿਨ੍ਹਾਂ ਦੇ ਫਾਰਮ ਨਹੀਂ ਭਰੇ ਗਏ। ਇਨ੍ਹਾਂ ਵਿਚ 9.44 ਲੱਖ ਵੋਟਰ ਪੱਕੇ ਤੌਰ ‘ਤੇ ਰਾਜ ਤੋਂ ਬਾਹਰ ਚਲੇ ਗਏ, 5.74 ਲੱਖ ਵੋਟਰਾਂ ਦੀ ਮੌਤ ਹੋ ਚੁੱਕੀ ਹੈ, 4.12 ਲੱਖ ਵੋਟਰ ਲਾਪਤਾ ਹਨ ਅਤੇ 1.19 ਲੱਖ ਵੋਟਰ ਡੁਪਲੀਕੇਟ ਪਾਏ ਗਏ। ਚੋਣ ਕਮਿਸ਼ਨ ਨੇ ਇਸ ਪ੍ਰਕਿਰਿਆ ਦੌਰਾਨ ਪੋਲਿੰਗ ਸਟੇਸ਼ਨਾਂ ਦੀ ਸੰਖਿਆ ਵੀ 24,453 ਤੋਂ ਵਧਾ ਕੇ 25,332 ਕਰ ਦਿੱਤੀ ਹੈ।ਪੰਜਾਬ ਵਿਚ ਵੋਟਰ ਸੂਚੀਆਂ ਦੇ ਵਿਸ਼ੇਸ਼ ਗਹਿਨ ਪੁਨਰੀਖਣ (SIR) ਤੋਂ ਬਾਅਦ ਲਗਭਗ 13 ਲੱਖ ਵੋਟਰਾਂ ਦੇ ਨਾਂ ਸੂਚੀ ਵਿੱਚੋਂ ਹਟਾਏ ਗਏ ਹਨ। ਪੰਜਾਬ ਦੀ ਮੁੱਖ ਚੋਣ ਅਧਿਕਾਰੀ ਅਨਿੰਦਿਤਾ ਮਿੱਤਰਾ ਨੇ ਇਹ ਜਾਣਕਾਰੀ ਦਿੱਤੀ। SIR ਦੀ ਪ੍ਰਕਿਰਿਆ ਤੋਂ ਪਹਿਲਾਂ ਰਾਜ ਵਿਚ ਲਗਭਗ 2.14 ਕਰੋੜ ਵੋਟਰ ਪੰਜੀਕ੍ਰਿਤ ਸਨ, ਜਦੋਂ ਕਿ ਪੁਨਰੀਖਣ ਤੋਂ ਬਾਅਦ ਇਹ ਗਿਣਤੀ ਘਟ ਕੇ ਲਗਭਗ 2.01 ਕਰੋੜ ਰਹਿ ਗਈ ਹੈ।ਵੋਟਰ ਸੂਚੀ ਵਿਚ ਹੋਏ ਇਸ ਬਦਲਾਅ ਤੋਂ ਬਾਅਦ ਪੰਜਾਬ ਵਿਚ ਵੋਟਰਾਂ ਦੀ ਕੁੱਲ ਗਿਣਤੀ ਵਿਚ ਧਿਆਨ ਦੇਣ ਯੋਗ ਕਮੀ ਦਰਜ ਕੀਤੀ ਗਈ ਹੈ।ਮੁੱਖ ਚੋਣ ਅਧਿਕਾਰੀ ਅਨਿੰਦਿਤਾ ਮਿੱਤਰਾ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਇਸ ਪ੍ਰਕਿਰਿਆ ਤੋਂ ਬਾਅਦ ਰਾਜ ਦੀ ਵੋਟਰ ਸੂਚੀ ਵਿਚ ਲਗਭਗ 13 ਲੱਖ ਵੋਟਰਾਂ ਦੀ ਕਮੀ ਆਈ ਹੈ। ਹਾਲਾਂਕਿ, ਹਟਾਏ ਗਏ ਨਾਵਾਂ ਦੇ ਕਾਰਨਾਂ ਅਤੇ ਵੱਖ-ਵੱਖ ਸ਼੍ਰੇਣੀਆਂ ਵਿਚ ਨਾਮ ਕੱਟਣ ਦਾ ਵਿਸਥਾਰਤ ਬਿਓਰਾ ਉਪਲਬਧ ਹੋਣ ’ਤੇ ਹੀ ਇਹ ਸਪੱਸ਼ਟ ਹੋ ਸਕੇਗਾ ਕਿ ਕਿੰਨੇ ਨਾਮ ਮ੍ਰਿਤ ਵੋਟਰਾਂ, ਸਥਾਨ ਪਰਿਵਰਤਨ ਜਾਂ ਹੋਰ ਕਾਰਨਾਂ ਕਰਕੇ ਹਟਾਏ ਗਏ ਹਨ।ਕਿੰਨੇ ਪੁਰਸ਼ ਅਤੇ ਮਹਿਲਾ ਵੋਟਰ?ਕੁੱਲ ਵੋਟਰ: 2,01,00,727ਪੁਰਸ਼ ਵੋਟਰ: 1,03,76,026ਮਹਿਲਾ ਵੋਟਰ: 97,24,195ਥਰਡ ਜੈਂਡਰ ਵੋਟਰ: 506ਵੋਟਰਾਂ ਦੀ ਪਹੁੰਚ ਨੂੰ ਆਸਾਨ ਬਣਾਉਣ ਲਈ ਸਾਰੇ ਜ਼ਿਲ੍ਹਿਆਂ ਵਿਚ ਪੋਲਿੰਗ ਸਟੇਸ਼ਨਾਂ ਦਾ ਰੈਸ਼ਨਲਾਈਜ਼ੇਸ਼ਨ ਕੀਤਾ ਗਿਆ, ਜਿਸ ਨਾਲ ਪੋਲਿੰਗ ਸਟੇਸ਼ਨਾਂ ਦੀ ਗਿਣਤੀ 24,453 ਤੋਂ ਵਧ ਕੇ 25,332 ਹੋ ਗਈ ਹੈ।ਮੁੱਖ ਚੋਣ ਅਧਿਕਾਰੀ ਨੇ ਅਪੀਲ ਕੀਤੀ ਕਿ ਜੋ ਯੋਗ ਵਿਅਕਤੀ ਕਿਸੇ ਵੀ ਕਾਰਨ ਕਰਕੇ ਅੰਤਿਮ ਵੋਟਰ ਸੂਚੀ ਦੇ ਪ੍ਰਕਾਸ਼ਨ ਤੋਂ ਬਾਅਦ ਵੀ ਸ਼ਾਮਲ ਹੋਣ ਤੋਂ ਰਹਿ ਗਏ ਹਨ ਜਾਂ ਨਵੇਂ ਵੋਟਰ ਵਜੋਂ ਨਾਮ ਦਰਜ ਕਰਵਾਉਣਾ ਚਾਹੁੰਦੇ ਹਨ, ਉਹ ECI ਨੈੱਟ ਐਪ ਰਾਹੀਂ ਆਨਲਾਈਨ ਜਾਂ ਆਪਣੇ ਸਬੰਧਿਤ BLO ਰਾਹੀਂ ਫਾਰਮ ਨੰਬਰ 6 ਭਰ ਕੇ ਆਫਲਾਈਨ ਆਵੇਦਨ ਕਰ ਸਕਦੇ ਹਨ।ਅੰਤਿਮ ਵੋਟਰ ਸੂਚੀ ਕਿਵੇਂ ਡਾਊਨਲੋਡ ਕਰੀਏ?ਅੰਤਿਮ ਵੋਟਰ ਸੂਚੀ ਡਾਊਨਲੋਡ ਕਰਨ ਲਈ ਇਹ ਸਧਾਰਨ ਕਦਮ ਪੁੱਟੇ ਜਾ ਸਕਦੇ ਹਨ:ਅਧਿਕਾਰਤ ਵੈੱਬਸਾਈਟ ‘ਤੇ ਜਾਓ: ਸਭ ਤੋਂ ਪਹਿਲਾਂ www.ceopunjab.gov.in ਜਾਂ voters.eci.gov.in ‘ਤੇ ਜਾਓ।ਵਿਕਲਪ ਚੁਣੋ: ਹੋਮਪੇਜ ‘ਤੇ “Download Electoral Roll” ਜਾਂ “Final Roll” ਵਿਕਲਪ ‘ਤੇ ਕਲਿੱਕ ਕਰੋ।ਵੇਰਵੇ ਭਰੋ: ਆਪਣਾ ਰਾਜ (ਪੰਜਾਬ), ਜ਼ਿਲ੍ਹਾ, ਵਿਧਾਨ ਸਭਾ ਹਲਕਾ, ਭਾਸ਼ਾ ਅਤੇ ਰੋਲ ਟਾਈਪ (Final Roll) ਚੁਣੋ।ਪੋਲਿੰਗ ਸਟੇਸ਼ਨ ਚੁਣੋ: ਆਪਣੇ ਪੋਲਿੰਗ ਸਟੇਸ਼ਨ ਦਾ ਨੰਬਰ ਚੁਣੋ ਅਤੇ ਕੈਪਚਾ ਭਰ ਕੇ ਡਾਊਨਲੋਡ ਕਰੋ।ਨਾਮ ਆਨਲਾਈਨ ਕਿਵੇਂ ਚੈੱਕ ਕਰੀਏ?ਜੇ ਤੁਸੀਂ ਸਿਰਫ਼ ਆਪਣਾ ਨਾਮ ਚੈੱਕ ਕਰਨਾ ਚਾਹੁੰਦੇ ਹੋ ਤਾਂ electoralsearch.eci.gov.in ‘ਤੇ ਜਾ ਕੇ ਆਪਣਾ ਨਾਮ, ਜਨਮ ਤਾਰੀਖ, ਪਿਤਾ/ਪਤੀ ਦਾ ਨਾਮ, ਰਾਜ, ਜ਼ਿਲ੍ਹਾ ਅਤੇ ਵਿਧਾਨ ਸਭਾ ਹਲਕਾ ਭਰ ਕੇ ਖੋਜ ਕਰ ਸਕਦੇ ਹੋ।

Daak Television